Хуткасная пуцеабследавальніцкая станцыя ЦНДІ-4МДУ з бескантактным зняццем інфармацыі (далей – вагон) прызначана для бесперапыннага кантролю геаметрычных параметраў рэйкавай каляіны ў плане і профілі пад дынамічнай нагрузкай, стану галоўных і станцыйных пуцей, ацэнкі стану пуці на дарожным і сеткавым узроўні.
ЦНДІ-4МДУ можа працаваць як у складзе хуткіх і пасажырскіх цягнікоў, так і з асобным лакаматывам са скорасцю да 160 км/г і лімітуецца дапушчальнай скорасцю экіпажнай часткі. Вымяральнае абсталяванне здольна працаваць пры скарасцях да 300 км/г.
ЦНДІ-4МДУ кантралюе больш за 40 параметраў чыгуначнага пуці, частка з якіх вызначаецца непасрэдна ў працэсе паездкі, частка вылічваецца пасля яе.
У склад пуцеабследавальніцкай станцыі ўваходзяць:
- пераабсталяваны вагон на базе купэйнага вагона мадэлі 61-4440 (вытворчасці ААТ «ЦВЗ»), які ўключае апаратную, салон, дызельнае памяшканне, электрашчытавую, жылыя купэ, купэ праваднікоў, кухню, душавую, кацельнае аддзяленне, туалет, тамбур;
- кантрольна-вылічальны комплекс вытворчасці ЗАТ «ПІК Прагрэс» (г. Масква), які забяспечвае збор інфармацыі ад датчыкаў, апрацоўку вымярэнняў, вылічэнне параметраў геаметрыі рэйкавай каляі, праводзіць ацэнку стану і аналіз змены пуці, ажыццяўляе адлюстраванне і дакументаванне вынікаў, фарміруе базу дадзеных стану пуці для спажыўцоў.
У апаратнай размяшчаецца спецыялізаваная апаратура кантрольна-вылічальнага комплексу, цягніковая радыёстанцыя, бытавы кандыцыянер.
Жылыя двухмесныя купэ і купэ праваднікоў абсталёўваюцца бытавой мэбляй і прыналежнасцямі для камфортнага пражывання экіпажа вагона.
Кухня абсталёўваецца кухоннай мэбляй з мыйкай, электрычнай варачнай паверхняй, посудам для прыгатавання ежы, халадзільнікам.
Дызельнае памяшканне абсталёўваецца дызель-электрычным агрэгатам для забеспячэння электраэнергіяй кантрольна-вылічальнага комплексу, тэхналагічнага абсталявання і бытавых прыбораў у працэсе работы, верстаком для вытворчасці слясарных работ пры бягучым рамонце абсталявання.
У электрашчытавой устанаўліваюцца пульт кіравання энергасістэмай вагона і тэхналагічным абсталяваннем.
Салон абсталёўваецца мэбляй, бытавой тэле-, аўдыё- і відэаапаратурай, бытавым кандыцыянерам, посудам для прыёму ежы.
Душавая абсталёўваецца пральнай машынай, душавой кабінай, шафай для бялізны.
У склад кантрольна-вылічальнага комплексу ўваходзяць:
- апаратура для вымярэння шырыні каляі, прасадкі рэйкавых нітак, узаемнага становішча рэйкавых нітак па вышыні (узровень), перакосаў пуці на базе цялежкі і кузава вагона, ухілу падоўжнага профілю восі пуці, крывізны пуці ў плане, стрэл выгібу ад несіметрычнай хорды, гарызантальныя і вертыкальныя паскарэнні кузава, хуткасці руху і даўжыні пройдзенага шляху (месцазнаходжання вагона па кіламетражы), бакавога зносу рэек, велічыні стыкавых зазораў, поўнага профілю галовак рэек, угону рэйкавых плетак бесстыкавога пуці, тэмпературы рэек;
- апаратура для вылічэння адзнак падоўжнага профілю пуці, вертыкальных і гарызантальных няроўнасцей, крутасці адводаў узвышэння і крывізны, статыстычных параметраў;
- прэцызійная лазерная навігацыйная гірасістэма;
- бесплатформавая інерцыяльная навігацыйная сістэма, прызначаная для вызначэння вуглоў курсу, крэну і тангажу кузава вагона, а таксама яго гарызантальных і вертыкальных паскарэнняў;
- спадарожнікавая навігацыйная сістэма ГЛОНАСС/GPS, якая вызначае геаграфічныя каардынаты месцазнаходжання пуцеабследавальніцкай станцыі;
- бескантактныя вымяральныя сістэмы на базе аптычных датчыкаў;
- высокапрадукцыйны вылічальны комплекс;
- спецыялізаванае праграмнае матэматычнае забеспячэнне.